बेल्हे, ता. ११ : येथील समर्थ शैक्षणिक संकुलात आयोजित संयुक्त कॅम्पस ड्राईव्हमध्ये समर्थ पॉलिटेक्निक आणि आयटीआयच्या ३८ विद्यार्थ्यांची चाकण येथील टॉप बँड इंडिया प्रायव्हेट लिमिटेड या नामांकित कंपनीत नोकरीसाठी निवड झाली आहे.
या कॅम्पस ड्राईव्हमध्ये पॉलिटेक्निकच्या इलेक्ट्रॉनिक्स अँड टेलिकम्युनिकेशन, कॉम्प्युटर इंजिनिअरिंग आणि आयटीआय विभागातील विद्यार्थ्यांनी सहभाग घेतला होता. निवड झालेल्यांमध्ये इलेक्ट्रॉनिक्स विभागातील ११ विद्यार्थी, तर कॉम्प्युटर विभागातील ११ विद्यार्थ्यांचा समावेश आहे. आयटीआय इलेक्ट्रिशिअन विभागातून सहा विद्यार्थ्यांनी यश संपादन केले.
निवड प्रक्रियेसाठी कंपनीचे एचआर मॅनेजर अनिकेत गायकवाड, पंकज जाधव, नितीन जाधव आणि दीपक मापारी उपस्थित होते.