कोथरूड, ता. ३० : सेटको स्पेंडल्स इंडिया आणि साकेत प्रकाशनातर्फे प्रसिद्ध उद्योजक राजेश मंडलीक लिखित ‘ॲन इंजिनिअर्स जर्नी टू आन्ट्रप्रनर्शिप’ या पुस्तकाचे प्रकाशन डॉ. आनंद देशपांडे यांच्या हस्ते झाले. या वेळी ज्येष्ठ उद्योजक मनीष गुप्ता, साकेत प्रकाशनाच्या प्रतिमा भांड आणि डॉ. वैभवी मंडलीक उपस्थित होते. मयूर कॉलनीतील एमईएस सभागृहात हा कार्यक्रम झाला. या वेळी लेखक मंडलीक यांनी पुस्तक लिहिण्यामागील प्रेरणा आणि उद्योजकीय जडणघडण यावर भाष्य केले. कार्यक्रमाचे सूत्रसंचालन गौरी साळवेकर यांनी केले. डॉ. मंडलीक यांनी आभार मानले.