पुणे, ता. २१ : रावसाहेब चॅरिटेबल ट्रस्ट, प्रवर्तन फाउंडेशन आणि पाञ्चजन्य फाउंडेशन यांच्या संयुक्त विद्यमाने रक्षाबंधनानिमित्त ‘सुरक्षाबंधन’ उपक्रम राबवण्यात येतो आहे. या उपक्रमाअंतर्गत काश्मीर सीमेवर तैनात जवानांसाठी ७५०० हून अधिक राख्या आणि २००० शुभेच्छापत्रे पाठवण्यात येणार आहेत. ही या उपक्रमाचे दुसरे वर्ष आहे.
या उपक्रमात सरस्वती विद्या मंदिर, सौ. विमलाबाई गरवारे प्रशाला, बाल शिक्षण इंग्लिश मीडियम शाळा, राणी लक्ष्मीबाई सैनिकी शाळा, एस. पी. एम. इंग्लिश स्कूल आदी शाळांचा सहभाग आहे. विशेष म्हणजे, दि पूना स्कूल अ‍ॅंड होम फॉर द ब्लाइंड गर्ल्स आणि वि. रा. रुईया मूकबधिर विद्यालय येथील दिव्यांग विद्यार्थ्यांनी राख्या तयार केल्या आहेत.