पुणे : तरुणांमध्ये खूप ऊर्जा असते त्याचा वापर नोकरी करण्यापेक्षा व्यवसाय करण्यासाठी त्यांनी करावा. व्यवसाय करताना प्रत्येकालाच अपयश येते. यशाला भागीदार असतात. पण अपयशाला केवळ तुम्हीच जबाबदार असतात. आई, वडील आणि जिद्द हीच तरुणांची संपत्ती आहे. कष्ट केले तरच प्रतिष्ठा मिळेल, असे मत उद्योजक लहूजी शेलार यांनी व्यक्त केले. समाजभूषण बाबूराव ऊर्फ आप्पासाहेब जेधे कला, वाणिज्य व विज्ञान महाविद्यालयाच्या वतीने उद्योजकता विकास कार्यशाळेचे आयोजन करण्यात आले होते. कार्यशाळेचे उद्‍घाटन लहूजी शेलार यांच्या हस्ते झाले. यावेळी महाविद्यालयाच्या प्रभारी प्राचार्य डॉ. दीपाली आर. पाटील, डॉ. अशोक मोजाड, वाणिज्य विभाग प्रमुख डॉ. एल. जी. रेटवडे, डॉ. दादाराव इंगळे, डॉ. के. डी. गारगोटे उपस्थित होते. डॉ. अमित गोगावले यांनी सूत्रसंचालन केले. दीपक सुरवसे यांनी आभार मानले.