पुणे, ता. २९ ः उत्तम आरोग्यासाठी ‘अमृत नोनी’ कंपनीने विविध उत्पादने बाजारात आणली आहे. ज्यामध्ये मधुमेहासाठीच्या औषधांचाही समावेश आहे. ‘अमृत नोन डी प्लस’ नावाचे आयुर्वेदिक औषध वैद्यकीय चाचण्यांमध्ये खरे ठरले असून, ते वापरासाठी सुरक्षीत असल्याचा दावा कंपनीने केला आहे.
वॅलयू प्रॉडक्ट नावाची एक विशेष मोहीम अमृत नोनीने आखली आहे. ज्या अंतर्गत मधुमेहींसाठी ‘अमृत नोनी डी प्लस’ हे औषध विकसित केले आहे. हे आयुर्वेद क्षेत्रातील क्रांतिकारक संशोधन असल्याचे कंपनीने म्हटले आहे. अमृता वेल, सप्तचक्र, गुजबेरी, गार्सिनीया, मधुनाशिनी आदी औषधींचा यात अर्क आहे. १४ वर्षांच्या संशोधनातून विकसित या औषधाला जीएमपी आणि आयएसओ प्रमाणपत्र मिळाले आहे. वैद्यकीय चाचण्यांमध्ये संबंधित औषध रक्तातील साखरेची पातळी कमी करते, तसेच सहा महिन्यांपर्यंत सतत वापर केला तरी ते सुरक्षीत असल्याचे सिद्ध झाल्याचा दावा कंपनीने केला आहे. मधुमेहाबरोबरच ही औषधी वनस्पती सांधेदुखी, आर्थराइटिस, पाठदुखी इत्यादी समस्यांमध्ये प्रभावी असल्याचे दर्शविले गेले आहे.