पुणे, ता. १८ ः पुणे विभागातील खडकी-चिंचवड रेल्वे स्थानकादरम्यान ऑटोमॅटिक सिग्नलिंग यंत्रणेचे काम सुरु आहे. रविवारी (ता. २०) तांत्रिक कामे केली जाणार असल्याने पुणे-मुंबई-पुणे दरम्यान धावणाऱ्या काही गाड्या रद्द करण्यात आल्या आहे. यात इंटरसिटी, डेक्कन एक्स्प्रेस, प्रगती एक्स्प्रेससह मुंबई-कोल्हापूर-मुंबई कोयना एक्स्प्रेसचा देखील समावेश आहे.
पुणे-लोणावळा दरम्यान ऑटोमॅटिक सिग्नलिंग यंत्रणेचे काम गेल्या काही वर्षांपासून सुरु आहे. यातील एक महत्त्वाचा टप्पा खडकी ते चिंचवड स्थानक दरम्यान पूर्ण केला जाणार आहे. त्यासाठी नऊ तासांचा ब्लॉक घेण्यात आला आहे. सकाळी ७.१५ ते दुपारी ४.१५ पर्यंत हा ब्लॉक आहे. त्या दरम्यान धावणाऱ्या गाड्या रद्द करण्यात आल्या आहेत. यात एक्स्प्रेससह लोकलचा देखील समावेश आहे.

या लोकल रद्द
- पुणे-तळेगाव : सकाळी ६ वाजून ४८ मिनिटांनी
- पुणे-तळेगाव : सकाळी ८ वाजून ५३ मिनिटांनी
- पुणे-लोणावळा : सकाळी ६ वाजून ३० मिनिटांची, सकाळी ९ वाजून ५७ मिनिटांनी, सकाळी ११ वाजून १७ मिनिटांनी, दुपारी तीन वाजता, दुपारी ४ वाजून २५ मिनिटांनी.
- शिवाजीनगर-तळेगाव : दुपारी ३ वाजून ४७ मिनिटे,सायंकाळी ५ वाजून २० मिनिटे.
- शिवाजीनगर-लोणावळा ः सायंकाळी ६ वाजून १० मिनिटांनी.
- लोणावळा-शिवाजीनगर : सकाळी ६ वाजून ३० मिनिटे, सकाळी १० वाजून ५ मिनिटांनी, दुपारी ३ वाजून ३० मिनिटे.
- तळेगावहून सुटणारी सकाळी ७ वाजून ४८ मिनिटे, सकाळी ९ वाजून ५७ मिनिटांनी, दुपारी ४ वाजून ४० मिनिटांनी, लोणावळाहून सकाळी ७ वाजून २५ मिनिटे, सकाळी ८ वाजून २० मिनिटे, दुपारी २ वाजून ५० मिनिटांनी या लोकल रद्द करण्यात आल्या आहेत.

हे लक्षात ठेवा
- पुणे-जयपूर एक्स्प्रेस ही गाडी पुण्याहून संध्याकाळी पावणे सहा वाजता सुटेल.
- दौंड-इंदूर एक्स्प्रेस दौंडहून सायंकाळी सहा वाजता सुटेल.
- मुंबई-चेन्नई, लोकमान्य तिलक टर्मिनस-काकीनाडा पोर्ट, मुंबई-भुवनेश्वर, मुंबई-हैदराबाद या गाड्यांना पुणे विभागातून धावताना आपल्या निर्धारित वेळेपेक्षा उशिराने धावतील.