पुणे, ता. ५ : तीन महाराष्ट्र आर्मड स्क्वॉड्रन राष्ट्रीय छात्र सेना कार्यालयाच्या वतीने वार्षिक प्रशिक्षण शिबिर नुकतेच झाले. शिबिरात शाळा व महाविद्यालयांतील ४०० छात्रसैनिक मुले व मुली सहभागी झाले होते. शिबिरात समादेशक अधिकारी कर्नल राजेश वारके यांनी प्रशिक्षण दिले. शिबिरादरम्यान छात्रांना ड्रील, शस्त्र चालविण्याचे प्रशिक्षण, देशप्रेम, कवायत, फायरिंग, सैन्यात भरती होण्यासाठी प्रोत्साहन आणि अग्निवीरसंबंधी माहिती देण्यात आली. यासोबत अग्निशामक दलाच्या प्रात्यक्षिकांसह सांस्कृतिक कार्यक्रमांचे आयोजन करण्यात आले होते.