पुणे, ता. ७ : मातंग एकता आंदोलन महिला आघाडीच्या वतीने पुणे महापालिकेच्या विधी सल्लागार निशा चव्हाण यांना ‘मुक्ता साळवे पुरस्कार’ प्रदान करण्यात आला. माजी मंत्री रमेश बागवे यांच्या हस्ते पुरस्काराचे वितरण करण्यात आले.
भिडे वाडा आणि लहूजी वस्ताद साळवे यांच्या स्मारकाचा कायदेशीर लढा यशस्वी केल्याबद्दल चव्हाण यांना महिला दिनाच्या पूर्वसंध्येला पुरस्कार देण्यात आला. हा कार्यक्रम ‘मातंग एकता आंदोलन’ संघटनेच्या पुणे शहर महिला आघाडी आणि ‘क्रांतिगुरू लहूजी वस्ताद साळवे एकता प्रतिष्ठान’ यांच्या संयुक्त विद्यमाने आयोजित केला होता. या वेळी डॉ. माधुरी रोकडे, अस्मिता तांबे-धुमाळ यांचाही सन्मान करण्यात आला. माजी नगरसेवक अविनाश बागवे, सुरेखा खंडाळे आदी मान्यवर या वेळी उपस्थित होते. विठ्ठल थोरात यांनी प्रास्ताविक, तर अरुण गायकवाड यांनी सूत्रसंचालन केले. राजश्री अडसूळ यांनी आभार मानले.
..........