वडगाव शेरी, ता. १८ : वडगाव शेरी परिसरात रविवारी ढगफुटी झाल्याने जनजीवन विस्कळित झाले. सायंकाळी पाच ते सव्वासहा वाजेपर्यंत १११ मिलिमीटर पावसाची नोंद झाली.
या भागातील खराडी, कल्याणीनगर, विमाननगर, विमानतळ परिसर, विमानतळ रस्ता परिसर जलमय झाला होता. अनेक ठिकाणी झाडे पडली होती. सोसायट्यांमध्ये पाणी देखील शिरले. रस्त्यांवर पाणी साचल्याने वाहतूक संथ गतीने पुढे सरकत असल्याने वाहतूक कोंडीचा सामना करावा लागला. पुणे-नगर रस्त्यावर खराडी दर्गा परिसर, फिनिक्स आणि शास्त्रीनगर चौक, कोळेवाडी फाटा परिसरात पाणी साचले होते. रामवाडी भुयारी मार्ग, कल्याणी नगर येथील सेंट अर्नोल्ड शाळेजवळील नाल्यात पाणी आल्याने येथील वाहतूक बंद करण्यात आली होती.
बॉम्बे सॅपर्स कॉलनी, सुप्रभात सोसायटी, इंद्रप्रस्थ सोसायटी येथे पाणी साचले. विमाननगर येथील राजीव नगर नॉर्थ जवळील परिसर, रामवाडी, सैनिक वाडी परिसरात पूरस्थिती निर्माण झाली होती. कैलास सुपर मार्केट चौक, गणपती मंदिर चौक, श्रीकृष्ण चौक येथे पाणी साचले होते.
सर्वाधिक फटका बसलेली ठिकाणे
विमाननगर, राजीव नगर नॉर्थ सोसायटी, फाइव्ह नाईन चौक रस्ता, संजय पार्क सोसायटी, रामवाडी भुयारी मार्ग, खराडी दर्गा चौक परिसर, वडगाव शेरी स्मशानभूमी परिसर, हरी नगर, कल्याणी नगर, इंदिरा स्मृती सोसायटी वडगाव शेरी, चंदन नगर खुळेवाडी फाटा, वडगाव शेरीतील मुरलीधर सोसायटी आणि प्रसादनगर.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.