‘चांद्रसेनीय संस्थे’चा
वर्धापन दिन सोहळा
पुणे : चांद्रसेनीय कायस्थ प्रभू समाज संस्थेचा दुसरा वर्धापन दिन सोहळा उत्साहात झाला. या वेळी प्रमुख पाहुणे म्हणून अखिल भारतीय चांद्रसेनीय कायस्थ प्रभू समाज संस्थेचे अध्यक्ष समीर गुप्ते उपस्थित होते. या वेळी संस्थेच्या स्मरणिकेचे प्रकाशन झाले. संस्थेचे अध्यक्ष मंदार कुलकर्णी, सचिव राजेंद्र देशपांडे, सहसचिव पूनम कारखानीस, विश्वस्त राहुल दिघे, ईशा दिघे, रश्मी राजे तसेच महिला मंडळ पदाधिकारी पूर्व देशमुख, विभा कर्णिक, गौरी पत्की आदी उपस्थित होते.
....
डॉ. मंजिरी भालेराव यांचा
रोटरी क्लबतर्फे सन्मान
पुणे : टिळक महाराष्ट्र विद्यापीठाच्या श्री बालमुकुंद लोहिया संस्कृत आणि भारतीय विद्या अध्ययन केंद्राच्या विभागप्रमुख डॉ. मंजिरी भालेराव यांना रोटरी क्लब ऑफ पुणे शिवाजीनगरच्या वतीने ‘व्यावसायिक गुणवत्ता पुरस्कार’ प्रदान करण्यात आला. प्राचीन भारतीय इतिहास आणि संस्कृती या क्षेत्रातील त्यांचे कार्य आणि योगदानाबद्दल हा सन्मान करण्यात आला. या वेळी रोटरी क्लब शिवाजीनगरच्या अध्यक्षा डॉ. स्मिता जोग, सचिव डॉ. भारती डोळे, सचिन जोगळेकर, डॉ. श्रीकांत प्रधान आदी उपस्थित होते.