पुणे, ता. ३० : एरोस्पेस आणि डिफेन्स सोल्यूशन्स बनविणारी टाटा ॲडव्हान्स्ड सिस्टिम्स लिमिटेडने गुरुवार (ता. २) आणि शुक्रवारी (ता. ३) पिंपरी-चिंचवडमधील फोर्ज्ब कंपनीसमोरील हॉटेल कॅरिअडमध्ये वॉक-इन इंटरव्ह्यूचे आयोजन केले आहे. टीएएसएलच्या हैदराबाद आणि नागपूर फॅसिलिटीमधील जागांसाठी या मुलाखती घेतल्या जाणार आहेत.
टाटा ॲडव्हान्स्ड सिस्टिम्स लिमिटेड एनसी प्रोग्रामरची भरती करू इच्छित असून, उमेदवारांनी कॅड, कॅममध्ये डिप्लोमा किंवा बीटेक केलेले असणे आणि त्यांच्याकडे ४ ते ८ वर्षांचा अनुभव असणे आवश्यक आहे. टाटा ॲव्हान्स्ड सिस्टिम्स लिमिटेडला आपल्या हैदराबाद फॅसिलिटीसाठी ऑपरेटर असेंब्ली आणि पेंटरच्या जागा भरावयाच्या आहेत. त्यासाठी त्यांना तीन ते सहा वर्षांचा अनुभव असलेले आयटीआय-फिटर आणि अप्रेन्टिस उमेदवार हवे आहेत. दोन्ही दिवस सकाळी ९ ते सायंकाळी ५ दरम्यान उमेदवारांच्या मुलाखती घेतल्या जातील.