पुणे, ता. ९ : टँकरच्या धडकेत १० वर्षांच्या सायकलस्वार मुलाचा मृत्यू झाला. शुक्रवारी (ता. ७) लोहगाव परिसरात हा अपघात झाला. या प्रकरणी विमानतळ पोलिसांनी टँकरचालकाविरुद्ध गुन्हा दाखल केला आहे.
सोहम सुनील देडे (रा. उबाळेनगर, लोहगाव) असे मृत्युमुखी पडलेल्या मुलाचे नाव आहे. याबाबत सोहम याचा मामा दशरथ राजू जाधव (वय २६) यांनी विमानतळ पोलिस ठाण्यात फिर्याद दिली आहे. या प्रकरणी टँकरचालकाविरुद्ध गुन्हा दाखल करण्यात आला आहे. जाधव यांचा भाचा सोहम देडे आणि त्याचा भाचा शिवम (वय आठ) रात्री आठच्या सुमारास खांदवेनगर परिसरात सायकल खेळत होते. त्यावेळी भरधाव टँकरने सोहमला धडक दिली. अपघातानंतर टँकरचालक पसार झाला. गंभीर जखमी झालेल्या सोहमचा उपचारापूर्वीच मृत्यू झाला होता. पोलिस उपनिरीक्षक चेतन भोसले तपास करत आहेत.