पुणे, ता. ८ : वडगाव शेरी येथील तीन प्लॉटची बेकायदा विक्री करून आर्थिक फसवणूक केल्याप्रकरणी तिघांविरुद्ध चंदननगर पोलिस ठाण्यात गुन्हा दाखल करण्यात आला आहे.
या प्रकरणी ज्येष्ठ महिला सुमनदेवी चंदुलाल तालेरा (वय ७८, रा. कोरेगाव पार्क) यांनी फिर्याद दिली आहे. त्यानुसार तिघांविरुद्ध गुन्हा दाखल करण्यात आला आहे. सुशीलादेवी सुरेश तालेरा, सोना सुभाष तालेरा आणि रिषभ सुभाष तालेरा (रा. बोट क्लब, पुणे) अशी गुन्हा दाखल झालेल्या संशयितांची नावे आहेत. पोलिसांनी दिलेल्या माहितीनुसार, फिर्यादीकडे तीन प्लॉटच्या एकूण १०७१ चौरस मीटर जागेचे साठेखत आणि कुलमुखत्यारपत्र आहे. परंतु तिघांनी स्वतःच्या आर्थिक फायद्यासाठी परस्पर विक्री आणि खरेदीखत केले. या मिळकतीमध्ये अतिक्रमण करून फसवणूक केली, असे फिर्यादीत म्हटले आहे.