किराड ट्रस्टतर्फे भवानी पेठेत आरोग्य शिबिर
पुणे, ता. २७ : सौ. कस्तुर हिरालाल किराड ट्रस्टतर्फे भवानी पेठेतील महापालिकेच्या चंदुमामा सोनवणे प्रसूतिगृह येथे आरोग्य शिबिराचे आयोजन केले होते. शिबिरात १२५ जणांची आरोग्य तपासणी, ४५० जणांची डोळ्यांची तपासणी करून २३० जणांना चष्म्याचे वाटप करण्यात आले. २३ गरजूंची मोफत मोतीबिंदू शस्त्रक्रिया करण्यात येणार आहे. शिबिरात श्रवणयंत्र व लहान मुलांच्या मोफत शस्त्रक्रियांसंदर्भात नाव नोंदणी करण्यात आली. शेठ ताराचंद रामनाथ हॉस्पिटल, कम्युनिटी आय केअर फाउंडेशन, ग्लोबल हॉस्पिटल, रोटरी क्लब, लायन्स क्लब सारसबाग व श्रीमंत दगडूशेठ हलवाई सार्वजनिक गणपती ट्रस्ट यांनी शिबिराला सहकार्य केले. या उपक्रमाला श्रीमंत दगडूशेठ हलवाई गणपती ट्रस्टचे अध्यक्ष सुनील रासने, जयंत किराड, आर. एन. गोहाड, माजी नगरसेवक अविनाश बागवे, सम्राट थोरात, मनीषा लडकत, माधुरी सहस्रबुद्धे, जयंत भावे, वैष्णवी किराड उपस्थित होते.