पुणे, ता. ७ : हॉटेल उद्योजक सुदाम दिघे यांच्यावर आधारित ‘प्रवास गंगापुत्र सुदामाचा’ या पुस्तकाचे प्रकाशन शिवसेना उद्धव बाळासाहेब ठाकरे पक्षप्रमुख उद्धव ठाकरे यांच्या हस्ते झाले. यावेळी युवासेना प्रमुख आदित्य ठाकरे, खासदार संजय राऊत आणि सरहद संस्थेचे संजय नहार, माजी शहरप्रमुख रामभाऊ पारिख, दिलीप गालिंदे, मोहन दुधाणे आणि सचिन चिंचवडे आदी उपस्थित होते. डेक्कन जिमखाना येथील रसवंतिगृहे व हॉटेल उद्योजक दिघे यांच्या जीवनप्रवासावर आधारित हे पुस्तक आहे. पुस्तकाचे लेखन मोहन दिघे यांनी केले असून संपादन रोहिणी दिघे यांनी केले आहे. प्रकाशनाची जबाबदारी अतुल दिघे यांनी सांभाळली.