पुणे, ता. १९ : ज्योत्स्ना सुरेश डोळ शिशुमंदिर हुजूरपागा शाळेतर्फे पालकशाळेचे आयोजन करण्यात आले होते. राजेंद्र बहाळकर यांनी पालकांना ‘यशस्वी आई-बाबा’ या विषयावर मार्गदर्शन केले. खेळ घेऊन, गाणी म्हणून आनंदी वातावरणात मुलांना कसे घडवायचे, वागणुकीत सकारात्मकता कशी आणायची आणि यशस्वी आई-बाबा कसे व्हायचे, हे त्यांनी सांगितले, तसेच प्रश्नोत्तरांच्या माध्यमातून पालकांच्या शंकांचे निरसन केले. मुख्याध्यापिका अनघा रानडे यांनी पालकशाळेचे नियोजन केले. सहशिक्षिका कांचन जगताप यांनी सूत्रसंचालन केले. मुग्धा आपटे यांनी आभार मानले.