पुणे, ता. १४ ः टॉय ट्रेड असोसिएशनतर्फे बोहरी आळी येथील लक्ष्मीनारायण मार्केटच्या पटांगणात नुकतेच रक्तदान शिबिर झाले. या शिबिरात सुमारे ८१ दात्यांनी रक्तदान केले.
रविवार पेठ, पुणे व्यापारी महासंघाचे उपाध्यक्ष सूर्यकांत पाठक, अरविंद कोठारी, सचिव महेंद्र पितळीया, श्रीमंत दगडूशेठ हलवाई गणपती मंदिराचे अध्यक्ष सुनील रासने, श्रीमती लक्ष्मीबाई दगडूशेठ हलवाई दत्त मंदिर ट्रस्टचे अध्यक्ष अ‍ॅड. शिवराज कदम-जहागीरदार, विश्वस्त राजेंद्र बलकवडे यांच्या उपस्थितीत रक्तदान शिबिराची सुरवात झाली. तसेच आमदार हेमंत रासने, माजी आमदार रवींद्र धंगेकर, फरासखाना शाखेचे वरिष्ठ पोलिस निरीक्षक प्रशांत भस्मे, पुणे शहर शिवसेना शहराध्यक्ष गजानन थरकुडे व लक्ष्मीनारायण मार्केटचे अध्यक्ष संजय शहा आदींनी शिबिरास भेट दिली. असोसिएशनचे अध्यक्ष प्रमोद चव्हाण, उपाध्यक्ष बसंत जैन, वसंत कवाड, कोषाध्यक्ष जयसिंह सुभेदार, सचिव दिलीप बलकवडे आदींनी या उपक्रमाचे संयोजन केले.