पुणे, ता. १४ ः शहरात दिवसभर ऊन आणि ढगाळ वातावरण होते. जिल्ह्यात काही ठिकाणी तुरळक पावसाची नोंद झाली आहे तर पुढील दोन दिवस घाट माथ्यावर तुरळक ठिकाणी जोरदार पाऊस पडण्याची शक्यता हवामानशास्त्र विभागाकडून वर्तविण्यात आली आहे. तर शहरात ढगाळ वातावरण राहण्याची शक्यता आहे.
पाऊस पुन्हा जोरदार आगमन करेल असे वाटत असतानाच काहीसा जोर कमी झालेला गेल्या काही दिवसांपासून बघण्यास मिळत आहे. शहरात कमाल ३० अंश सेल्सिअस तर किमान २२ अंश सेल्सिअस तापमान राहण्याची शक्यता आहे. घाटमाथ्यावर पाऊस सुरु असला तरी खरिपातील पिकांना पावसाने ओढ दिली आहे. गुरुवारी पाषाण भागात २९ अंश सेल्सिअस कमाल तापमानाची नोंद झाली तर लोहगावमध्ये ३० अंश सेल्सिअस, कोरेगाव पार्क परिसरात २९ अंश सेल्सिअस तापमानाची नोंद झाली आहे.