पुणे, ता. १३ : राष्ट्रीय मुक्त विद्यालय संस्थेतर्फे (एनआयओएस) ऑक्टोबर-नोव्हेंबरमध्ये घेण्यात येणारी दहावी (माध्यमिक) आणि बारावीची (उच्च माध्यमिक) परीक्षा मंगळवारपासून (ता. १४) सुरू होत आहे.
‘एनआयओएस’च्या दरवर्षी एप्रिल-मे आणि ऑक्टोबर-नोव्हेंबर अशी दोनदा दहावी-बारावीची (माध्यमिक आणि उच्च माध्यमिक) परीक्षा घेण्यात येते. महाराष्ट्रासह गोवा राज्यातील काही निवडक परीक्षा केंद्रांवर ही परीक्षा होणार आहे. लेखी परीक्षेसाठी विद्यार्थ्यांना प्रवेशपत्र यापूर्वीच संकेतस्थळावर उपलब्ध झाली आहेत. विद्यार्थ्यांना प्रवेशपत्र ‘www.//sdmis.nios.ac.in’ या संकेतस्थळावरून डाउनलोड करून घेता येणार आहेत.