पुणे, ता. २० : धार्मिकतेतून विधायकतेकडे वाटचाल करत अखिल म्हसोबा उत्सव मंडई ट्रस्टच्या वतीने येत्या २२ ते २६ जुलै दरम्यान श्री म्हसोबा उत्सव २०२५ आयोजित करण्यात आला आहे. दरवर्षी या उत्सवकाळात महिला सबलीकरणासाठी विशेष काम करणाऱ्या काही सामाजिक संस्थांना ट्रस्टच्या वतीने सहकार्याच्या भावनेने आर्थिक मदत तथा त्यांना उपयोगी वस्तू स्वरूपात मदत करण्यात येते. यंदाही उत्सवादरम्यान २६ जुलै रोजी गरजवंत महिलांच्या संस्थेस आर्थिक किंवा वस्तुरूपी मदत देण्याचा मानस आहे. तरी ज्या संस्थांना अशा मदतीची आवश्यकता आहे, अशा संस्थांनी ट्रस्टच्या शुक्रवार पेठेतील कार्यालयाला संपर्क करावा, असे आवाहन ट्रस्टतर्फे करण्यात आले.