पुणे, ता. ३० : भरधाव वाहनाची एका तरुणाला जोरदार धडक बसल्याने त्याचा जागीच मृत्यू झाला. ही घटना कात्रज घाटातील जुन्या बोगद्यात शनिवारी (ता. २८) रात्री साडेअकरा वाजण्याच्या सुमारास घडली. अपघातानंतर वाहनचालक घटनास्थळावरून पसार झाला आहे.
या अपघाताची माहिती मिळताच वरिष्ठ पोलिस निरीक्षक शरद झिने यांनी घटनास्थळी धाव घेतली. याबाबत आंबेगाव पोलिस ठाण्यात अज्ञात वाहनचालकावर गुन्हा दाखल करण्यात आला आहे. मृत तरुण अंदाजे ३५ ते ४० वयोगटातील असून, त्याची ओळख अद्याप पटलेली नाही. याप्रकरणी कैलास नारायण आखुटे (वय ५६, रा. संभाजीनगर, कोंढवा) यांनी आंबेगाव पोलिस ठाण्यात फिर्याद दिली आहे. अपघातानंतर पसार झालेल्या वाहनचालकाचा शोध घेण्यात येत आहे.