पुणे, ता. ८ : श्री लकडी पूल विठ्ठल मंदिर ट्रस्टच्या वतीने मुळशी तालुक्यातील वाळेन गावातील आदिवासी गरजू विद्यार्थ्यांना शैक्षणिक साहित्य देण्यात आले. संस्थेचा आश्रम मुळशी तालुक्यात असून, तेथील दुर्गम भागातील आदिवासी विद्यार्थ्यांना सातत्याने शैक्षणिक मदत ट्रस्टच्या माध्यमातून केली जाते.
मंदिरात साहित्य वाटप कार्यक्रम आयोजित करण्यात आला होता. कार्यक्रमासाठी प्रमुख पाहुणे म्हणून सेवा मित्र मंडळाचे शिरीष मोहिते, पुणे होर्डिंग्ज असोसिएशनचे अध्यक्ष बाळासाहेब गांजवे, ट्रस्टचे अध्यक्ष दिलीप बांदल, कोषाध्यक्ष दीपक थोरात, सचिव नरेंद्र गाजरे, सहसचिव बाळासाहेब ताठे, उत्सवप्रमुख महेश अंबिके, स्वप्नील काळभोर, विनोद मणियार, सामाजिक कार्यकर्ते दिलीप थोरात, राष्ट्रीय कला अकादमीचे अमर लांडे उपस्थित होते.
या वेळी वेगवेगळ्या वयोगटांतील २२ विद्यार्थ्यांना दप्तरे, छत्र्यांसह अन्य शैक्षणिक साहित्य वाटप करण्यात आले, तसेच जनता वसाहतीत समाज कल्याण अभ्यासिका उपक्रमांतर्गत पहिली ते चौथीच्या २० आणि पाचवी ते दहावीच्या २२ विद्यार्थ्यांना विविध प्रकारच्या वह्यांचे वाटप केले.