पुणे, ता. २१ : महाराष्ट्र राज्य महिला आयोग आणि यशवंतराव चव्हाण विकास प्रशासन प्रबोधिनी (यशदा) यांच्या संयुक्त विद्यमाने यशदा येथे आयोजित राज्यातील समुपदेशकांसाठी दोन दिवसीय क्षमताबांधणी प्रशिक्षणाचा समारोप सोमवारी झाला.
यावेळी महिला आयोगाच्या सदस्य सचिव नंदिनी आवडे, यशदाचे उपमहासंचालक डॉ. मल्लिनाथ कलशेट्टी, ‘मिशन-शक्ती’अभियानाचे प्रमोद निकाळजे उपस्थित होते. या वेळी निकाळजे यांनी बेटी बढाओ, बेटी पढाओ, प्रधानमंत्री मातृ वंदन योजना, पाळणा, वन स्टॉप सेंटर, हेल्पलाइन, मिशन शक्ती, शक्ती निवास आदी योजनांची माहिती दिली.