पुणे, ता. २४ ः शहरासह दिवसभर ढगाळ वातावरण आणि काही ठिकाणी पावसाच्या हलक्या सरी पडल्या. ग्रामीणमधील काही भागात मध्यम सरी पडल्या. जिल्ह्यातील कुरवंडे येथे सर्वाधिक ३१ मिलिमीटर पावसाची नोंद झाली. पुढील दोन दिवस शहरासह जिल्ह्यात आकाश सामान्यतः ढगाळ राहील, तर पावसाच्या हलक्या ते मध्यम सरी पडतील, असा अंदाज पुणे वेधशाळेने वर्तविला आहे.
मागील दोन दिवसांपासून शहरासह उपनगरात पावसाच्या हलक्या सरींना सुरुवात झाल्यामुळे कमाल व किमान तापमान २८ अंश सेल्सिअसपर्यंत खाली आले, तर रात्री हवेत गारवा वाढला असून, शहर परिसरातील मगरपट्टा येथे गुरुवारी २७ अंश सेल्सिअस कमाल तापमानाची नोंद झाली. पाषाण येथे २४.७ अंश सेल्सिअस कमाल तापमान नोंदविले गेले. दरम्यान, सायंकाळपर्यंत शहरातील पाषाण, हडपसर, कोरेगाव पार्क येथे एक मिलिमीटर पावसाची नोंद झाली.
घाट विभागात पावसाचा जोर वाढला
पुणे जिल्ह्यातील घाट विभागात पावसाचा जोर वाढला असून, गेल्या २४ तासांत ताम्हिणी घाटमाथ्यावर सर्वाधिक ११० मिलिमीटर पावसाची नोंद झाली, तर लोणावळा परिसरात ४२, आंबवणे येथे ६५, मुळशी परिसरात ३१ मिलिमीटर पावसाची नोंद झाली. दरम्यान, पुढील २४ तासांसाठी घाटमाथ्यावर अतिमुसळधार तर काही ठिकाणी ढगफुटीसदृश पाऊस पडण्याचा अंदाज वर्तवीत पुणे वेधशाळेकडून ‘रेड अलर्ट’ देण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.