पुणे, ता. २५ ः मुख्यमंत्री देवेंद्र फडणवीस यांच्या वाढदिवसानिमित्त आयोजित रक्तदान शिबिरात ११९ जणांनी रक्तदान केले. भवानी प्रतिष्ठानचे संस्थापक व भारतीय जनता पक्षाचे कार्यकर्ते योगेश शांडिल्य यांनी आयोजित केलेल्या शिबिराला लष्कराची एएफएमसी रक्तपेढी व ओम ब्लड बँक यांनी सहकार्य केले. रक्तदात्यांना प्रशस्तीपत्र व सन्मानचिन्ह प्रदान करून गौरविण्यात आले. याप्रसंगी राज्य गोसेवा आयोगाचे अध्यक्ष शेखर मुंदडा तसेच राजकीय पक्षांचे विविध पदाधिकारी, नगरसेवक, कार्यकर्ते उपस्थित होते. ‘विज्ञान कितीही प्रगत झाले असले तरी अजून रक्ताला कृत्रीम पर्याय उपलब्ध नसल्याने शक्य असेल त्या सर्वांनी रक्तदान करायला हवे,’ असे आवाहन आयोजक शांडिल्य यांनी केले होते.