पुणे, ता. २५ : खडकवासला येथील महापालिकेच्या शाळेच्या मैदानात गेल्या काही महिन्यांपासून पडून असलेला राडारोडा अखेर १५ ऑगस्टच्या तयारीसाठी नुकताच हटविण्यात आला.
एका ठेकेदाराने मैदानाची सफाई न करता राडारोडा तसाच टाकून दिला होता. शाळेचे मुख्याध्यापक अमोल माने यांनी वारंवार संपर्क साधूनही संबंधित ठेकेदाराने दुर्लक्ष केले होते. या प्रकारामुळे शिक्षक व पालकांत संतापाचे वातावरण निर्माण झाले होते. मुलांना तसेच स्वातंत्र्य दिनाच्या पार्श्वभूमीवर शाळेच्या मैदानाची स्वच्छता होणे गरजेचे होते. ही माहिती भाजपचे ओबीसी मोर्चाचे प्रदेश सचिव दत्तात्रय कोल्हे यांना समजली. त्यांनी शाळेत येऊन काही मजुरांना बोलावून घेतले आणि साफसफाई करून राडारोडा हटविला.