पुणे, ता. २५ : कारगिल विजय दिनानिमित्त डेस्टिनेशन नेचर या संस्थेतर्फे कारगिल यु‌द्धामध्ये सहभागी झालेल्या वेगवेगळ्या रेजिमेंटसना मिळून सुमारे १७०० शुभेच्छा पत्रे नुकतीच पाठविण्यात आली. मुलांमध्ये जवानांप्रती आदरयुक्त भावना निर्माण व्हावी, या हेतूने गेली पाच वर्षे हा उपक्रम राबवण्यात येत आहे, असे संस्थेच्या सदस्या दर्शन वाघ व कल्याणी वाघ यांनी सांगितले. या उपक्रमामध्ये संस्थेसह हुजूरपागा इंग्लिश मीडियम स्कूल मांगडेवाडी, वि‌द्या महामंडळाचे शारदा बालक विहार, लक्ष्मणराव आपटे प्रशाला, शारदा विद्या मंदिर, झील एज्युकेशन सोसायटीचे ज्ञानगंगा इंग्लिश मीडियम स्कूल, भारतीय विद्याभवन सेनापती बापट रस्ता या शाळेतील वि‌द्यार्थी सहभागी झाले होते.