पुणे, ता. २५ : सावित्रीबाई फुले पुणे विद्यापीठातील वैष्णवी आडकर या विद्यार्थिनीने जर्मनी येथे नुकत्याच झालेल्या फीसु जागतिक विद्यापीठ स्पर्धेत भारतीय विद्यापीठ टेनिस (मुली) या संघाचे प्रतिनिधित्व केले. या स्पर्धेत तिने कांस्यपदक पटकाविले आहे. जागतिक विद्यापीठ स्पर्धेत पदक पटकविणारी ती देशातील पहिली महिला टेनिसपटू ठरली आहे.
यापूर्वी तत्कालीन पुणे विद्यापीठाचे नंदन बाळ यांनी १९७९ मध्ये या स्पर्धेत रौप्यपदक पटकाविले होते. वैष्णवी ही बृहन् महाराष्ट्र वाणिज्य महाविद्यालयाची विद्यार्थिनी आहे. तिने सावित्रीबाई फुले पुणे विद्यापीठाचे पश्चिम विभागीय आंतर विद्यापीठ स्पर्धेत प्रतिनिधित्व करून विद्यापीठाला अखिल भारतीय आंतर विद्यापीठ स्पर्धेत प्रवेश मिळवून दिला होता. त्या बळावर विद्यापीठाचा संघ खेलो इंडिया विद्यापीठ स्पर्धेसाठी पात्र ठरला आहे.
फोटो ः 34470