पुणे, ता. ३० : ‘वृक्षारोपण करूयात, पर्यावरणाचे रक्षण करूयात’ असा संदेश देत ‘सकाळ’च्या ‘यंग इन्स्पिरेटर्स नेटवर्क’ (यिन) आणि ‘ह्यूटन ग्रीन रिसॉर्ट’तर्फे ‘यिन वृक्षारोपण’ उपक्रम येवलेवाडी येथील ह्यूटन ग्रीन रिसॉर्ट येथे उत्साहात झाला. वृक्षारोपण आणि वृक्षसंवर्धन करून पर्यावरण वाचविण्याच्या दृष्टीने विद्यार्थ्यांनी हे पाऊल उचलले आहे. या वेळी पर्यावरण संवर्धनाची शपथ घेण्यात आली.
या कार्यक्रमाला ‘स्वच्छ पुणे’चे स्वच्छता दूत विक्रांत सिंग, पर्यावरणप्रेमी गोरख दिवेकर उपस्थित होते. या उपक्रमात पुण्यातील १३ हून अधिक महाविद्यालयांनी सहभाग घेतला. सुमारे ३५० पेक्षा जास्त विद्यार्थ्यांनी ११०० हून अधिक देशी झाडांची लागवड केली. या सर्व झाडांचे पालकत्व गोरख दिवेकर यांनी स्वीकारले आहे.
याप्रसंगी डॉ. सविता इटकरकर, डॉ. स्मिता जाधव, प्रा. संदीप राऊत, प्रा. आकाश दोडके, प्रा. नवनाथ सरोदे, प्रा. नंदिनी कोळे, प्रा. भाग्यश्री तुपेरे, डॉ. आशा सुरतकल, डॉ. शिवाजी गडदे, डॉ. सचिन कोकणे, डॉ. साधना शिंदे, प्रा. आयुषी सिंग, प्रा. मधुकर शेंडे, प्रा. अनुजा पाटील आदी शिक्षक प्रतिनिधी उपस्थित होते.
या उपक्रमाचे आयोजन यिन मंत्रिमंडळातील महसूलमंत्री व पुणे कार्याध्यक्ष रिद्धी व्यास, शहर यिन क्लबप्रमुख ओंकार साकोरे पाटील, यिन महापालिका सभापती सानिया सायनकर, आबासाहेब गरवारे महाविद्यालय उपाध्यक्ष रोशन गुरव यांनी केले. यिन विभागीय अधिकारी शंतनू पोंक्षे यांनी प्रास्ताविक केले.

पर्यावरण संवर्धन आणि स्वच्छता यामध्ये तरुणाईने एकत्र येणे काळाची गरज आहे. आपला परिसर आपणच स्वच्छ ठेवणे ही सर्वांची नैतिक जबाबदारी आहे. त्याची सुरुवात स्वतःपासून करणे गरजेचे आहे. ‘यिन’ने आयोजित केलेल्या वृक्षारोपण कार्यक्रमात तरुणाईची ऊर्जा आणि उत्साह दिसून आला
- विक्रांत सिंग, स्वच्छतादूत

जागतिक तापमानवाढ रोखण्यासाठी वृक्षलागवड करून वातावरणातील समतोल राखणे गरजेचे आहे. वृक्षाला, निसर्गाला देव मानून त्याची सेवा आणि सांभाळ करणे ही आपल्या प्रत्येकाची सजग नागरिक म्हणून जबाबदारी आहे. ‘यिन’तर्फे राबविल्या जाणाऱ्या अशा सामाजिक उपक्रमास शुभेच्छा.
- गोरख दिवेकर, पर्यावरणप्रेमी

उपक्रमात सहभागी महाविद्यालये
कुसरो वाडिया इन्स्टिट्यूट ऑफ टेक्नॉलॉजी, भारती विद्यापीठ कॉलेज ऑफ इंजिनिअरिंग फॉर वूमन, आबासाहेब गरवारे महाविद्यालय, सिंहगड विधी महाविद्यालय, सिंहगड नर्सिंग कॉलेज, विश्वकर्मा इन्स्टिट्यूट ऑफ इन्फॉर्मेशन टेक्नॉलॉजी, अनंतराव पवार कॉलेज ऑफ इंजिनिअरिंग, पद्मभूषण वसंतदादा पाटील इन्स्टिट्यूट ऑफ टेक्नॉलॉजी, जयक्रांती महाविद्यालय, सिंहगड मॅनेजमेंट कॉलेज, सिंहगड फार्मसी कॉलेज, मॉडर्न कॉलेज ऑफ आर्ट्‌स, कॉमर्स ॲण्ड सायन्स वारजे, ‘एआयएसएसएमएस’चे आयओआयटी महाविद्यालय, भारती विद्यापीठ कॉलेज ऑफ इंजिनिअरिंग, जयवंत इन्स्टिट्यूट ऑफ फार्मास्युटिकल सायन्स.