पुणे, ता. ३१ ः पदनाद नृत्य विद्यालयाच्या विद्यार्थिनींनी नुकत्याच सातारा रस्त्यावरील लोकशाहीर अण्णा भाऊ साठे सभागृहात सादर झालेल्या कार्यक्रमात ‘रंगनाथम’ हे भरतनाट्यम अरंगेत्रम सादर केले. या कार्यक्रमात भगवान विष्णू यांच्या दशावतारावर आधारित संपूर्ण मार्गमचा समावेश होता. यात पालकडल आलेमेले, श्रीमन नारायण, निजरूप दाखवा हो, धनश्री थिल्लाना आदी रचनांचा समावेश होता. कलाकारांना एस. वैद्यनाथन, सुब्रमण्यम अय्यर, सतीश शेषाद्री यांनी साथसंगत केली. या विद्यार्थिनींना गुरू प्रणोती विश्वासराव यांनी मार्गदर्शन केले होते. याप्रसंगी अभिनेते निखिल निगडे, रोटरी क्लब, बिबवेवाडीचे अध्यक्ष भावीन देसाई, डॉ. अवनी देसाई उपस्थित होते.