वाघोली, ता. १४ : पत्ता विचारण्याच्या बहाण्याने मोटारचालकाच्या तोंडावर गुंगीचा स्प्रे मारून दोन मोबाईल लंपास केल्याची घटना वाघोलीत आव्हाळवाडी फाट्यावर घडली.

याबाबत ओला-उबेरचालक परमेश्वर भुरे यांनी पोलिसांत ऑनलाइन तक्रार दिली आहे. प्राप्त माहितीनुसार, भुरे हे रात्रीच्या वेळी प्रवासी घेण्यासाठी वाघोलीत आव्हाळवाडी फाट्यावर थांबले होते. या वेळी दुचाकीवरून दोन तरुण आले. त्यांनी पत्ता विचारण्याचा बहाणा केला. भुरे यांच्या चेहऱ्यावर गुंगीचा स्प्रे मारला. यामुळे ते बेशुद्ध झाले. त्यानंतर आरोपींनी भुरे यांचे दोन्ही मोबाईल घेऊन पळ काढला. शुद्धीवर आल्यावर त्यांनी १०० क्रमांकावर पोलिसांना कळविले. यानंतर त्यांनी ऑनलाइन तक्रार केली.
------