वाघोली, ता. २६ ः रात्रीच्या वेळी खासगी बसमध्ये घुसून बसचालक व त्याच्या मदतनीसास धमकावून त्यांच्याकडील साडे सात हजार रुपये लुटल्याची घटना वाघोलीत बाराच्या सुमारास बकोरी फाट्यावर घडली. या प्रकरणी वाघोली पोलिस ठाण्यात गुन्हा दाखल करण्यात आला आहे.
चालक भाऊसाहेब युवराज मिसाळ (वय २६, रा. पाटोदा, जि. बीड) यांनी पोलिस ठाण्यात फिर्याद दिली. पोलिसांनी अज्ञात चौघांवर गुन्हा दाखल केला आहे. पोलिसांनी दिलेल्या माहितीनुसार, प्रवासी घेत बस बीडला निघाली होती. वाघोलीत बकोरी फाट्यावर प्रवाशांना घेण्यासाठी बस थांबली असता, तिघेजण बसमध्ये घुसले. त्यांनी चालक मिसाळ, मदतनीस संतोष ठोकळ, पुढे बसलेले प्रवासी ऋषिकेश सानप (वय २४, रा. बीड) यांना धमकावून पैसे मागितले. चालक व मदतनीस यांच्याकडील साडेसात हजार रुपयांची रोकड काढून घेतली. त्यांना मारहाण करून तिघे खाली उतरले. यानंतर एका लाल रंगाच्या स्विफ्टमधून निघून गेले.
----------------------------------------------------------------------