मुंढवा, ता. ३१ः ‘तुमने बहुत पैसा कमाया है, मुझे ५० लाख रुपये खंडणी चाहिए, नहीं तो मैं तुम्हारा मर्डर करुंगा’ असे व्हॉट्सॲप कॉलवरून धमकी दिल्याप्रकरणी मुंढवा पोलिस ठाण्यात गुन्हा दाखल केला आहे. तपास प्रमुख सहाय्यक पोलिस निरीक्षक राजू महानोर व पथकातील पोलिस अंमलदार यांनी व्हॉट्सॲप कॉल करणाऱ्या गुन्हेगाराचा शोध घेतला. तो गुन्हा केल्यापासून त्याचे फोन बंद करून फरार झाल्याचे तपासात आढळून आले. महानोर आणि त्यांच्या पथकाने खंडणी मागणाऱ्या मोबाईलधारकाच्या फोनचे तांत्रिक विश्‍लेषण केले. तो फिर्यादीला घोरपडी येथे भेटण्यात येणार असल्याची बातमी अंमलदार अक्षय धुमाळ, स्वप्नील रासकर यांना मिळाली. त्यानंतर पोलिसांनी सापळा रचून अनिकेत अनिल पावल (वय २४, रा. भीमनगर, मुंढवा) याला अटक केली.