मुंढवा, ता. २५ : सणासुदीच्या पार्श्वभूमीवर गुन्हेगारांवर नजर ठेवताना मुंढवा पोलिसांनी घोरपडी बी.टी. कवडे रस्ता परिसरात तडीपारीच्या आदेशाचे उल्लंघन करून शहरात आलेल्या गुन्हेगाराला ताब्यात घेतले. विनीत राजू छत्री (वय ३२, रा. मिलिंदनगर) असे अटक केलेल्या गुन्हेगाराचे नाव आहे.
पोलिसांनी दिलेल्या माहितीनुसार, विविध गुन्हे दाखल असलेल्या आरोपीला तडीपार करण्यात आले होते. तडीपारीच्या आदेशाचे उल्लंघन करून आरोपी घोरपडी येथील बी.टी. कवडे रस्ता परिसरात नातेवाइकांना भेटण्यासाठी फिरत असल्याची माहिती सहायक फौजदार राजू कदम यांना बातमीदारामार्फत मिळाली. त्यांनी ही माहिती वरिष्ठांना कळवली. वरिष्ठ पोलिस निरीक्षक स्मिता वासनिक यांच्या सूचनेनुसार पोलिस निरीक्षक बाबासाहेब निकम (गुन्हे) यांच्या मार्गदर्शनाखाली तपास पथकातील पोलिस अधिकारी सहाय्यक पोलिस निरीक्षक राजू महानोर, सहाय्यक फौजदार राजू कदम, पोलिस हवालदार राहुल मोरे, पोलिस अंमलदार अक्षय धुमाळ, पोलिस अंमलदार रूपेश तोडकर यांनी छत्रीला ताब्यात घेतले.