मार्केट यार्ड, ता. १८ : बाजारात राज्यासह परराज्यांतून फळभाज्यांची आवक गेल्या आठवड्याच्या तुलनेत स्थिर होती. उन्हाचा तडाखा फळभाज्यांना बसत असल्याने बाजारात आवक कमी होत आहे. मागणी जास्त असल्याने शिमला, फ्लॉवर, घेवडा, मटारच्या भावात ५ ते १० टक्क्यांनी वाढ झाली होती. इतर सर्व प्रकारच्या फळभाज्यांचे भाव स्थिर असल्याची माहिती ज्येष्ठ अडते विलास भुजबळ यांनी दिली.
पुणे कृषी उत्पन्न बाजार समितीत रविवारी राज्यासह परराज्यांतून सुमारे ९० ट्रक फळभाज्यांची आवक झाली. कर्नाटक, आंध्रप्रदेश, उत्तरप्रदेश येथून हिरवी मिरची १५ टेम्पो, कर्नाटक आणि गुजरात येथून कोबी पाच टेम्पो, आंध्रप्रदेश आणि तमिळनाडूतून शेवगा तीन टेम्पो, कर्नाटक आणि गुजरात येथून घेवडा दोन टेम्पो, कर्नाटकातून एक टेम्पो भुईमूग शेंगा, हिमाचल प्रदेशातून दोन टेम्पो मटार, कर्नाटकातून पावटा दोन टेम्पो, आंध्रप्रदेश आणि तमिळनाडूतून कैरी तीन टेम्पो, मध्यप्रदेशातून लसणाची १० टेम्पो तर इंदूर, आग्रा, स्थानिक भागातून बटाट्याची ४० टेम्पो आवक झाली.
स्थानिक भागातून सातारी आले सुमारे ६०० गोणी, भेंडी पाच टेम्पो, गवार चार टेम्पो, टोमॅटो सहा टेम्पो, हिरवी मिरची चार टेम्पो, काकडी सहा टेम्पो, फ्लॉवर आठ टेम्पो, कोबी सहा टेम्पो, ढोबळी मिरची १० टेम्पो, शेवगा तीन टेम्पो, गाजर पाच टेम्पो, भुईमूग शेंगा ६० गोणी, तांबडा भोपळा १२ टेम्पो, कांद्यांची सुमारे ८० टेम्पो आवक झाली.
फळभाज्यांचे १० किलोचे भाव : कांदा : १००-१४० बटाटा : १४०-२१०, लसूण : ४००-१२००, आले सातारी : २५०-२७०, भेंडी : ३००-४००, गवार : ३००-५००, टोमॅटो : १४०-१८०, दोडका : ४००-६००, हिरवी मिरची : ३००-४५०, दुधी भोपळा : १००-२००, चवळी : २५०-३००, काकडी : २००-२५०, कारली : हिरवी : ३००-४००, पांढरी : २५०-३००, पापडी : ३५०-४००, पडवळ : २५०-३००, फ्लॉवर : ३००-३५०, कोबी : ८०-१२०, वांगी : २००-३५०, डिंगरी : ४००-५०० नवलकोल : ६०-८०, ढोबळी मिरची : ४०००-४५०, तोंडली : कळी : ४००, जाड : २००, शेवगा : ५००-५५०, गाजर : १५०-२०० वालवर : ५००-६५०, बीट : १००-१४०, घेवडा : ७००-१०००, कोहळा : १००- १५०, आर्वी : २५०-३०० घोसावळे : २५०-३००, ढेमसे : २५०-३००, भुईमूग शेंग : ४५०-५५०, मटार : परराज्य : १०००-१२००, पावटा : ५००-६००, तांबडा भोपळा : १००-१५०, तोतापुरी कैरी : १५०-२५०, सुरण : १८०-२००, मका कणीस : ५०-१००, नारळ (शेकडा) : १०००- १६००.

मेथी, पुदीना, अंबाडी, चुकाच्या भावात घट
मार्केटयार्डातील घाऊक बाजारात रविवारी मेथी, पुदीना, अंबाडी, चुका आणि चवळईच्या भावात घट झाली असून कोथिंबिरीच्या भावात वाढ झाली आहे. अन्य सर्वच पालेभाज्यांचे भाव स्थिर होते. कोथिंबिरीची सुमारे ८० हजार जुडींची आणि मेथीची ६० हजार जुडींची आवक झाली.
पालेभाज्यांचे शेकड्यातील भाव : कोथिंबीर : १५०० ते २०००, मेथी : १२००-१५००, शेपू : ८००-१२००, कांदापात : ८००-१५००, चाकवत : ४००-७००, करडई : ३००-६००, पुदिना : ३००-४००, अंबाडी : ४००-७००, मुळे : ८००-१५००, राजगिरा : ४००-६००, चुका : ३००-७००, चवळई : ३००-५००, पालक : ८००-१५००.

डाळिंब, खरबूज, लिंबाच्या भावात घट
मार्केट यार्डात डाळिंब, लिंबू, खरबुजाच्या भावात घट झाली असून पपई आणि मोसंबीचे भाव वाढले आहेत तर कलिंगड, चिक्कू, अननस, पेरू आणि संत्र्याचे भाव स्थिर असल्याची माहिती व्यापाऱ्यांनी दिली.
मोसंबी ३० टन, संत्रा दोन टन, डाळिंब २५ टन, पपई २५ टेम्पो, लिंबांची सुमारे दोन हजार गोणी, कलिंगड २५ टेम्पो, खरबूज २० टेम्पो, चिक्कू दोन हजार बॉक्स, पेरू २०० क्रेटस, अननसाची सहा ट्रक आवक झाली.
फळांचे भाव पुढीलप्रमाणे - लिंबे (प्रतिगोणी) : ५००-८००, मोसंबी : (३ डझन) : २००-३५०, (४ डझन) : ८०-१८०, संत्रा : (१० किलो) : ४००-१०००, डाळिंब (प्रतिकिलोस) : भगवा : ३०-१२०, आरक्ता : १०-४०, गणेश : ५-२५, कलिंगड : ५-१५, खरबूज : ५-१२, पपई : १२-२२, चिक्कू (१० किलो) : १००-५००, पेरू (२० किलो) : २००-४००, अननस (१ डझन) : १००-६००.

फुलांच्या भावात
१० टक्क्यांची घसरण
मार्केट यार्ड : पावसामुळे शेतकरी वर्गाकडून मोठ्या प्रमाणात फुलांची तोड करून विक्रीसाठी बाजारात पाठविण्यात येत आहे. मात्र, मागणीअभावी फुलांच्या भावात १० टक्क्यांची घसरण झाली. बाजारात पावसाचा फटका बसल्याने ओली फुलेही दाखल होत आहे. मात्र मागणी कमी असल्याची माहिती फुलांचे व्यापारी सागर भोसले यांनी दिली.
फुलांचे प्रतिकिलोचे भाव पुढीलप्रमाणे : झेंडू : २०-४०, गुलछडी : ५०-८०, अ‍ॅष्टर : जुडी : ३०-४०, सुट्टा : ८०-१२०, कापरी : ४०-६०, शेवंती : ८०-१२०, (गड्डीचे भाव) गुलाबगड्डी : २०-३०, गुलछडी काडी : ४०-८०, डच गुलाब (२० नग) : ८०-१५०, जर्बेरा : ३०-५०, कार्नेशियन : १५०-२००, शेवंती काडी : १५०-२५०, लिलियम (१० काड्या) : ८००-१०००, ऑर्चिड : ४००-५००, ग्लॅडिओ (१० काड्या) : १००-१३०, जिप्सोफिला : १५०-२००, मोगरा : २५०-३५०.