मार्केट यार्ड, ता. २५ : समाजासाठी निस्वार्थपणे आणि समर्पित भावनेने काम करणाऱ्या व्यक्तिमत्त्वांचा सन्मान हा केवळ त्यांच्यासाठी नव्हे तर संपूर्ण समाजासाठी प्रेरणादायी ठरतो. त्यामुळे समाजहितासाठी केलेली सेवा हीच माणसाची खरी ओळख असल्याचे मत लायन्स क्लब ऑफ पूना गणेशखिंडचे माजी प्रांतपाल विजय भंडारी यांनी व्यक्त केले.
लायन किरण शैलेश खंडेलवाल यांचा ‘बेस्ट लायन ऑफ द ईयर’ पुरस्काराने लायन्स क्लब ऑफ पूना गणेशखिंड यांच्या वतीने गौरव करण्यात आला. यावेळी प्रमुख पाहुणे म्हणून माजी प्रांतपाल विजय भंडारी उपस्थित होते. त्यावेळी ते बोलत होते. रश्मी गुप्ता, विकास सराफ, द्वारका जालान, प्रेमचंद बाफना, श्याम खंडेलवाल, भारती भंडारी आदी मान्यवर उपस्थित होते.

फोटोः 05523