पिंपरी (पुणे) : नताशा लोखंडे या पिंपरी-चिंचवड शहरातून उभ्या असलेल्या एकमेव तृतीयपंथी उमेदवाराने चिंचवड येथील फत्तेचंद जैन शाळेत मतदानाचा हक्क बजावला. तृतीयपंथीयांच्या हक्कासाठी त्या चिंचवड मतदारसंघातून उभ्या आहेत. त्यांच्यासोबत त्यांचे सहकारी निकिता मुख्यदल व आरोही कांबळे यांनी मतदान झाल्यावर सेल्फी काढून सर्वांना मतदान करण्याचे आव्हान केले.

नताशा यावेळी म्हणाल्या, ''निवडुन येवो अथवा न येवो. मात्र, इथपर्यंतचा माझा प्रवास आनंददायी होता. सुज्ञ नागरिक नक्कीच मला मतदान करतील, त्यामुळे निवडून येण्याची मला आशा आहे. ''