येरवडा, ता. २५ : ‘‘वृक्षारोपण औपचारिकतेचा भाग म्हणून न करता वृक्षांचे संवर्धन करणे आवश्यक आहे,’’ असे मत येरवडा पोलिस ठाण्याच्या वरिष्ठ पोलिस निरीक्षक अंजूम बागवान यांनी व्यक्त केले. येरवडा परिसरातील तनिष्का गटाच्या वतीने पोलिस ठाण्याच्या परिसरात वृक्षारोपण करण्यात आले. त्यावेळी त्या बोलत होत्या. बागवान म्हणाल्या, ‘‘सध्याच्या जागतिक तापमानवाढीच्या काळात वृक्षांची जपणूक करणे आपल्या सर्वांचे कर्तव्य आहे. तनिष्कांनी राबवलेला हा उपक्रम अत्यंत स्तुत्य आहे.’’ याप्रसंगी तनिष्का सदस्य ॲड. रेखा माने, सुनंदा बोंडे, अर्चना गायकवाड, हर्षा भंडारे, दिलशान खान, हसीना सय्यद, रेखा चव्हाण, सुमन लष्कर, परवीन शेख, माधुरी पाथरूड, सुमती आढाव, कीर्ती आखाडे, ज्योती शिर्के, प्रियांका रोकडे यांच्यासह नीलेश रोकडे, दत्ता निकाळजे आदी उपस्थित होते.