किरकटवाडी (पुणे) : सिंहगड रस्त्यावरील गोऱ्हे बुद्रुक येथील राज हॉटेलच्या समोर एका मद्यधुंद कार चालकाने दुचाकीवरील दोघांना जोरदार धडक दिल्याने दुचाकीवरील दोघे गंभीर जखमी झाले आहेत. सायंकाळी सहा वाजण्याच्या सुमारास हा अपघात घडला. दोन्ही जखमींना उपचारासाठी नवले रुग्णालयात दाखल करण्यात आले आहे.

- फास्टॅगमधून सवलतीसाठी खेड शिवापूरला स्वतंत्र मार्गिकेची मागणी​

विनोद कुमार रझ्झाक आणि इमरान अब्दुल्ला शेख (रा.नांदेड, ता.हवेली) अशी दुचाकीवरील जखमींची नावे असून दोघांच्याही पायांना गंभीर दुखापत झाली आहे. आकाश बंडगर आणि गणेश मेहेत्रे (रा.सोमवार पेठ, पुणे) अशी चारचाकीतील दोघांची नावे असून यापैकी आकाश बंडगर हा मद्यधुंद अवस्थेत चारचाकी चालवत होता. दुचाकीला धडक देऊन दोघेही आपल्या चारचाकीतून पळून जात होते. मात्र, गोऱ्हे बुद्रुक येथील तरुणांनी त्यांना डोणजे फाट्याजवळ गाठले आणि पुन्हा अपघातस्थळी आणले. गोऱ्हे बुद्रुक येथील तरुणांनी खानापूर येथील रुग्णवाहिकेला फोन करून जखमींना दवाखान्यामध्ये पोहोचवण्याची व्यवस्था केली.

- देशातील पहिलं आंतरराष्ट्रीय विद्यापीठ पुण्यात; जूनमध्ये होणार शुभारंभ!

साहेबांनी गाडीतून उतरण्याची तसदी घेतली नाही

अपघात घडल्यानंतर काही वेळातच योगायोगाने हवेली पोलीस ठाण्याची गाडी त्या ठिकाणी आली. गाडीत वरिष्ठ अधिकारीही होते, रस्त्यावर बघ्यांची मोठी गर्दी जमली होती. जखमी झालेले दोघे रस्त्याच्या कडेला विव्हळत पडलेले होते. पोलीस गाडीचे चालक आणि एक होमगार्ड यांनी खाली उतरून जखमींची माहिती घेतली आणि जखमींना रुग्णवाहिकेत बसविण्यास मदत केली; मात्र एवढा मोठा अपघात झालेला असताना पोलीस गाडीत बसलेल्या 'साहेबांनी'खाली उतरण्याची तसदी घेतली नाही.

- पुण्याच्या बातम्या वाचण्यासाठी येथे ► क्लिक करा

(Edited By: Ashish N. Kadam)