किरकटवाडी : खडकवासला धरण साखळीतील खडकवासला, पानशेत, वरसगाव व टेमघर या धरणांच्या पाणलोट क्षेत्रात पावसाचा जोर चांगलाच वाढला असून मागील चोवीस तासांत चार धरणांत मिळून 1.24 टीएमसी पाणी जमा झाले आहे. खडकवासला धरण परिसराच्या तुलनेत पानशेत, वरसगाव व टेमघर धरणांच्या परिसरात पावसाचे प्रमाण अधिक आहे. सततच्या पावसामुळे डोंगरांतून लहान-मोठे प्रवाह सुरू झालेले दिसत आहेत. पाटबंधारे विभागाने दिलेल्या माहितीनुसार सध्या चार धरणांत मिळून 742 दशलक्ष घनफूट दाबाने पाण्याची आवक सुरू असून एकूण पाणीसाठा 6.95 टीएमसी(23.83%) झाला आहे. मागील वर्षी या दिवशी 8.66 टीएमसी (29.70%) इतका पाणीसाठा होता.

खडकवासला प्रकल्पातील पाऊस व पाणीसाठा

धरणाचे नाव/आजचा पाऊस (मिलिमीटर)/एकूण पाऊस (मिलिमीटर)/उपलब्ध पाणीसाठा (टीएमसी)/टक्केवारी

खडकवासला /22/137/0.96/48.86

पानशेत /85/621/2.74/25.70

वरसगाव /86/602/2.80/21.80

टेमघर /100/703/0.45/12.15