नारायणगाव, ता. २५ : नगदवाडी (ता. जुन्नर) येथील जिल्हा परिषद प्राथमिक केंद्र शाळेला योगेश विठ्ठलराव बढे यांनी आई प्रफुल्लता बढे यांच्या स्मरणार्थ ग्रीन मॅट (चटई) भेट दिली. यामुळे शाळेतील १९६ विद्यार्थ्यांची परिपाठासाठी बसण्याची गैरसोय दूर झाली आहे, अशी माहिती मुख्याध्यापिका उज्ज्वला बोऱ्हाडे यांनी दिली. यानिमित्त आयोजित कार्यक्रमात शाळा व्यवस्थापन समितीचे अध्यक्ष दिनेश बढे, सोसायटीचे संचालक रघुनाथ बढे, संतोष बढे, योगेश बढे आदी उपस्थित होते. मंगेश मेहेर यांनी सूत्रसंचालन केले, तर नीलेश शेलार यांनी आभार मानले.