पुणे - धायरी परिसरात तरुणाने राहत्या घरात गळफास घेऊन आत्महत्या केल्याची घटना गुरुवारी रात्री आठ वाजता घडली. विनायक जालिंदर बंडगर (वय २३, रायकर मळा, धायरी) असे आत्महत्या केलेल्या तरुणाचे नाव आहे.

पोलिसांनी दिलेल्या माहितीनुसार, विनायकला अनेक वर्षापासून दारूचे व्यसन होते. त्याच्या आई-वडीलांचे किराणा मालाचे दुकान आहे. विनायक गुरुवारी सायंकाळी तो मित्रांबरोबर बाहेर गेला होता. रात्री आठच्या सुमारास तो परत घरी आला त्यावेळी आई वडील दुकानात होते.  

ताज्या बातम्यांसाठी डाऊनलोड करा ई-सकाळचे ऍप

दरम्यान,  रात्री साडे आठ वाजण्याच्या सुमारास त्याची आई घरी गेली. त्यावेळी त्यांनी बाहेरून दरवाजा ठोठावला. मात्र आतून कोणताच प्रतिसाद न मिळाल्याने शेजारील नागरिकांच्या मदतीने दरवाजा तोडून आत प्रवेश केला असता त्याने पंख्याला कपड्याच्या सहाय्याने गळफास घेतल्याचे निदर्शनास आले. आत्महत्याचे कारण अद्याप समजु शकले नसल्याचे पोलिसांनी सांगितले.

पुण्याच्या बातम्या वाचण्यासाठी येथे ► क्लिक करा