पाटस - कानगाव (ता. दौंड) येथे भिमानदीपात्रात मासे पकडण्यासाठी गेलेला तरुण पाण्यात बडुन बेपत्ता झाल्याची घटना घडली. भारत पितांबर भालेराव (वय ३५) रा. मांडवगण फराटा ता. शिरुर जि. पुणे असे संबधित बेपत्ता तरुणाचे नाव आहे. कानगाव, गार, सोनवडी हद्दीपर्यंत नदीपात्रात त्याचे शोधकार्य सुरु आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

याबाबत पाटस पोलिस ठाण्याचे पोलिस नाइक संतोष मदने यांनी माहीती दिली. मांडवगण येथील भारत पिंताबर भालेराव याचा गवंडी कामाचा व्यवसाय आहे. दोन दिवसापासुन तो कानगाव हद्दीतील भिमा नदीपात्रात मासे पकडण्यासाठी येत होता. शुक्रवारी (ता. १०) दुपारी तीन वाजता भारत व त्याची पत्नी हे नदीपात्रात मासे पकडण्यासाठी गेले. त्यावेळी नदीमध्ये पाण्याचा बऱयापैकी प्रवाह सुरु होता. मासे पकडत असताना भारत हा या अचानक पाण्यामध्ये पडला.हे पाहुन त्याच्या पत्नीने आरडा-ओरडा केला. मात्र, काही वेळातच तो पाण्यात बुडून बेपत्ता झाला. परीसरातील तरुणांनी पाण्यात उडी मारुन त्याचा शोध घेतला.मात्र,तो सापडू शकला नाही. माहीती मिळताच पाटस पोलिसांनी घटनास्थळी धाव घेतली.काल पासुन पोलिसांच्या उपस्थीत स्थानिक तरुण व काही ग्रामस्थांच्या मदतीने कानगाव, गार, सोनवडी या नदीपात्रात भारत याचा शोध सुरु आहे. सकाळी महसुल विभागाचे तलाठी यांनी देखील घटनास्थळाची पाहणी केली.

हवेलीकरांसाठी २५० बेड उपलब्ध होणार अन्...

दरम्यान, चौवीस तास उलटुन देखील त्याचा तपास लागण्यात यश आले नाही. भारत याची उंची अंदाजे पाच फुट दोन इंच, रंग काळा सावळा आहे. मध्यम बांधा तसेच अंगात टि शर्ट, निळया रंगाची बरमूडा पॅंट आहे. या वर्णनाच्या व्यक्ती विषयी काही माहीती मिळाल्यास मोबाइल क्रमांक : ९३७३२३०५२६ यावर संपर्क साधावा असे आवाहन पोलिसांनी केले.

सायबर पोलिसांचा करिष्मा; ऑनलाईन फ्रॉड झालेल्या कॉसमॉस बँक आणि नागरिकांचे पैसे केले परत!

Edited By - Prashant Patil