चाकण - चाकण-शिक्रापूर राज्यमार्गावर शेल पिंपळगाव (ता. खेड) गावच्या हद्दीतील भर चौकाजवळील एका दारूच्या दुकानासमोर जीप मध्ये बसलेल्या चालक तरुणाचा (Youth) तिघांनी चार ते पाच गोळ्या (Firing) पिस्तूलातून झाडून निर्घृणपणे रात्री नऊच्या सुमारास खून (Murder) केला. तिघे हल्लेखोर त्यानंतर कारमधून फरार झाले. नागेश सुभाष कराळे(वय-38)असे खून झालेल्या तरुणाचे नाव आहे. ही घटना सीसीटीव्ही मध्ये कैद झाली आहे. अशी माहिती वरिष्ठ पोलीस निरीक्षक वैभव शिंगारे, पोलीस निरीक्षक अनिल देवडे यांनी दिली. (youth murdered by four to five bullets fire crime)

नागेश कराळे हा गावातील पैलवान होता. तो अविवाहित होता. त्याच्यामागे दोन भाऊ असा परिवार आहे. नागेश याचे गावातील काही लोकांशी जुने वाद होते. त्यातून हा प्रकार घडला असल्याची शक्यता वर्तवली जात आहे. नागेश याचा मृतदेह शवविच्छेदनासाठी पिंपरी-चिंचवड येथील महापालिकेच्या रुग्णालयात नेण्यात आला आहे. शेलपिंपळ गाव येथील वातावरण तनावसदृश्य होते.वरिष्ठ पोलीस अधिकाऱ्यांनी घटनास्थळी भेटी दिल्या.