सध्या पंजाब विधानसभा निवडणूकीची रणधूमाळी सुरु असुन अमृतसर पूर्व विधानसभेतील काँग्रेस(Congress) चे उमेदवार नवज्योत सिंग सिद्धू (Navjot Singh Sidhu) यांनी त्यांचे महिन्याचे उत्पन्न जाहीर केलं. ते म्हणाले की, 20 वर्षांपासून त्यांचे उत्पन्न 30 कोटी रुपये प्रति महिना होते, ते आता कमी होऊन 70 हजार रुपये प्रति महिना झाले आहे. यापुढे बोलताना सिद्धू म्हणाले की, कॅप्टन अमरिंदर सिंग यांच्यासारखा मुखवटा घातलेला माणूस आजपर्यंत पाहिला नाही. ते राज्याच्या पूर्व भागात निवडणूक प्रचारासाठी आले होते.

नवज्योतसिंग सिद्धू म्हणाले की, आपला प्रत्येक धर्म दिशा देतो पण राजकीय व्यवस्थेत काही स्वार्थी लोक धर्माच्या नावाखाली राजकारण करताना दिसतात. विटंबना प्रकरणावर अनेकांनी राजकारण केले. जे लोक बाबा नानकांना मानतात ते सर्वांच्या भल्यातच आपले भले पाहतात. त्यामुळे पंजाबच्या हिताची चर्चा करणाऱ्याला मतदान करण्याचे आवाहन त्यांनी जनतेला केले आहे.

माफिया आणि गुंडागर्दी करणाऱ्यांना पराभूत करायचे असेल तर विचार करून मतदान करा, असे ते म्हणाले. सिद्धूने सांगितले की, पूर्वी त्यांची कमाई 30 कोटी रुपये होती पण लाफ्टर चॅलेंज शो सोडल्यानंतर त्याचे उत्पन्न 70 हजार रुपयांवर आले आहे. यावेळी सिद्धू यांना चरणजीत सिंह चन्नी यांच्या श्रीमंतीबद्दल प्रश्न विचारला असता, या प्रश्नाचे उत्तर फक्त चन्नीच देऊ शकतात, असे त्यांनी सांगितले.