Adani Group: अदानी समूहाची कंपनी अदानी पॉवर ही दिवाळखोर वीज कंपनी कोस्टल एनर्जी विकत घेण्याचा विचार करत आहे. हा करार 3,440 कोटी रुपयांना होऊ शकतो. अदानी पॉवरने यासाठी सर्वात मोठी बोली लावली आहे. या शर्यतीत असलेली आणखी एक कंपनी जिंदाल पॉवरने माघार घेतली आहे. यामुळे अदानी पॉवरचा मार्ग मोकळा झाला आहे.

तामिळनाडूमध्ये कोस्टल एनर्जी कंपनीचे मोठे पॉवर प्लांट आहेत. या कारणामुळे कंपन्या कोस्टल एनर्जी खरेदी करण्यात रस दाखवत होत्या. यासाठी शेरीशा टेक्नॉलॉजीज, जिंदाल पॉवर आणि डिकी अल्टरनेटिव्ह यांच्याकडून निविदा आल्या होत्या.

Economic Timesच्या अहवालानुसार, दोन दिवस चाललेल्या बोली प्रक्रियेत शनिवारी संध्याकाळी अदानी पॉवरने बोली जिंकली. दिवाळखोर वीज कंपनी कोस्टल एनर्जी ताब्यात घेण्यासाठी बोली प्रक्रिया शुक्रवारी दुपारी सुरू झाली. ही प्रक्रिया शनिवारी सायंकाळपर्यंत सुरू राहिली आणि यावेळी 18 बोलीच्या फेऱ्या झाल्यानंतर अदानी पॉवरची ही बोली जिंकली.

शेरीशा टेक्नॉलॉजीने बोलीमध्ये भाग घेतला नाही, तर जिंदाल पॉवरने 19व्या फेरीत पर्यंत मजल मारली. शेवटच्या फेरीत अदानी पॉवर आणि डिकी अल्टरनेटिव्ह इन्व्हेस्टमेंट ट्रस्टने 3,440 कोटी रुपयांची बोली लावली होती.

तामिळनाडूमध्ये कोस्टल एनर्जीचे दोन ऊर्जा प्रकल्प आहेत. दोन्ही प्रकल्पांची क्षमता 600 मेगावॅट आहे. कंपनीचा तामिळनाडू जनरेशन अँड डिस्ट्रिब्युशन कॉर्पोरेशनसोबत वीज खरेदी करार देखील आहे, जो सप्टेंबर 2028 पर्यंत आहे. त्यामुळे ही कंपनी अदानी समूहासाठी महत्त्वाची आहे. या करारानंतर अदानी पॉवरचा आणखीन विस्तार होण्यास मदत होणार आहे.