नवी दिल्ली - येत्या काही महिन्यांत किंबहुना लोकसभा निवडणुकीची आचारसंहिता लागू होण्यापूर्वीच बहुचर्चित आयडीबीआय बँकेची हिस्साविक्री पूर्ण करण्याचा केंद्र सरकारचा विचार असल्याची बातमी वृत्तसंस्थांनी दिली आहे.

यासंदर्भात आता रिझर्व बँकेकडून त्वरेने पावले उचलली जाण्याची शक्यता आहे. सध्या केंद्र सरकारकडे आयडीबीआय बँकेचा ४५.४८ वाटा आहे. तर एलआयसी कडे तिचा ४९.२४ टक्के वाटा आहे. त्यामुळे हे दोघे मिळून आयडीबीआय बँकेतील ६०.७ टक्के वाटा विकण्याच्या तयारीत आहेत.

ही बँक ताब्यात घेण्यासाठी कोटक महिंद्र बँक, सीएसबी बँक आणि एमिरॅट्स एनबीडी यांनी अर्ज केले आहेत. सरकारच्या शेअर विक्रीला रिझर्व बँकेने संमती दिली की या विक्रीप्रक्रियेला वेग येईल असेही सांगितले जात आहे.