नवी दिल्ली : मागणीत वाढ झाल्यामुळे आज सोन्याचा भाव नवी दिल्लीत प्रति दहा ग्रॅममागे ३५० रुपयांनी वाढून ७१,७०० रुपयांच्या सार्वकालिक उच्चांकावर पोहोचला.

नव्या वर्षात आतापर्यंत सोन्याच्या भावात उल्लेखनीय वाढ झाली असून, आतापर्यंत प्रति दहा ग्रॅममागे ७७०० रुपयांनी सोने महागले आहे. चांदीचा भावही प्रति किलो ८०० रुपयांनी वाढून ८४,००० रुपयांच्या नव्या उच्चांकावर गेला.

पुणे सराफी बाजारपेठेतही शुद्ध सोन्याचा भाव आज प्रति दहा ग्रॅममागे ७१,२०० रुपये झाला. एचडीएफसी सिक्युरिटीजच्या कमोडिटीज विभागाचे वरिष्ठ विश्लेषक सौमिल गांधी म्हणाले, ‘‘दिल्लीच्या बाजारपेठेत स्पॉट सोन्याच्या किमती (२४ कॅरेट) ७१,७०० रुपये प्रति दहा ग्रॅमच्या विक्रमी उच्चांकावर व्यवहार करत आहेत, ज्यामुळे विदेशी बाजारात तेजीचे संकेत आहेत.’’