Interim budget 2024 : केंद्रीय अर्थसंकल्प आज जाहीर होत आहे. केंद्रीय अर्थमंत्री निर्मला सीतारामन हे संसदेत बजेट मांडत आहेत. सुरुवातीलाच त्यांनी भारतातील टेक्नोसॅव्ही तरुणांसाठी मोठी घोषणा केली आहे. ५० वर्षांसाठी बिनव्याजी कर्ज देण्यात येणार आहे. (Interim budget 2024 For our tech savvy youth corpus of Rs 1 lakh crore will be established with 50 year interest free loan provided)

सीतारामन म्हणाल्या "आमच्या टेकसॅव्ही तरुणांसाठी हा सुवर्णकाळ असेल. ५० वर्षांच्या बिनव्याजी कर्जासह 1 लाख कोटी रुपयांचा निधी स्थापन केला जाईल. हा निधी दीर्घकालीन असेल. तसेच याद्वारे कमी किंवा शून्य व्याजदराने वित्तपुरवठा करणे किंवा पुन्हा वित्तपुरवठा करणे, शक्य होईल"

७५,००० कोटींची तरतूद

विकसित भारताचं व्हिजन साकार करण्यासाठी राज्यात अनेक विकास आणि विकास सक्षम सुधारणांची गरज असल्याचं यावेळी सीतारमन यांनी सांगितलं. राज्य सरकारांद्वारे याच्याशी संबंधित सुधारणा करण्यात सहकार्यासाठी 50 वर्षांच्या व्याजमुक्त कर्ज म्हणून 75,000 कोटी रुपयांची तरतूद यावर्षी प्रस्तावित करण्यात आली आहे, असंही सीतारामन यांनी सांगितलं.