मुंबई : ओल्ड ब्रिज कॅपिटल मॅनेजमेंट प्रा. लि. प्रायोजित ओल्ड ब्रिज म्युच्युअल फंडाने 'ओल्ड ब्रिज फोकस्ड इक्विटी फंड' ही ओपन-एंडेड इक्विटी स्कीम, बाजारात आणली आहे. कंपनीचा हा पहिलाच म्युचुअल फंड एनएफओ आहे.

या योजनेतील निधीतून कमाल ३० शेअरमध्ये गुंतवणूक केली जाईल. आगामी काळात हमखास वाढ दाखवतील अशा शेअरमध्ये गुंतवणुक केली जाईल. ही योजना एसअँडपी बीएसई ५०० टीआरआय चा मागोवा घेऊन त्यानुसार मार्गक्रमण करेल. 

आर्थिक स्थिती भक्कम असलेल्या, दीर्घकालीन मूल्य असलेल्या आणि सातत्यपूर्ण वाढीची क्षमता असलेल्या कंपन्यांचा यासाठी विचार केला जाईल, असे ओल्ड ब्रीज अॅसेट मॅनेजमेंट चे सीआयओ केनेथ आंद्रादे म्हणाले. या फंडाचे व्यवस्थापन केनेथ आंद्राद्रे आणि तरंग अग्रवाल हे अनुभवी गुंतवणूक व्यावसायिक करतील.